Lehen holla

Aita Junes CASENAVE ohoratze eta eskertze

Xehetasunak: Argitaratua: 11 Uztaila 2010

SÜ AZIAKko bürü izan zen Aita Junes CASENAVE, erretor kargüa ützi-eta, Donapaleüra erretiratzekoa da. Xiberotik joan beno lehen, Basabürüko parropiak eta eüskararen bai eüskal kültüraren alde lanean ari direnek eskerrak emaite eta ohoreak egite bat eskentü nahi üken deie. Hau, igante hontan – üztailaren 11a – agitüren da, Altzaiko herriko bilgian, goizanko 10:30etarik haste. Aita Junesek merexi dü saldo handian bil gitean, haren üngürüan, parropianten eta eüskalgintzaren alde egin düan lan handiaz eskerrak emaiteko

Barkoxeko ‘Xahakoa’ pastoralaren internet günea plantan da

Xehetasunak: Argitaratua: 02 Maiatza 2010

Barkoxeko herriak aurten emanen düan Xahakoa pastoralaz xehetarzünak oro edireiten ahal dira www.xahakoa.org internet güneala joanez geroz. Güne hori, pastoral horrez eta, 1962. urteaz geroz Barkoxen agitzen diren eüskal kültüra agerraldietzaz axolatzen den Etxahun alkarteak dü plantan ezarri.

Joanes Etxebarria barkoxtar kasetatariak zoinen ederki moldatü düan internet güne horri esker, aurtenko pastoralaz, arren, denak oro jakiten ahal dira. Patrick Quéheille ‘Kanpo’ barkoxtarrak izkiribatü düan lanaren testua ere biltzen ahal da hor. Jean-Fabien Léchardoy errejentaren manüetara egiten diren mustraken argazki andana ere ikus daite internet güne hontan. Barkoxen lehenago eman diren pastoral eta maskaradetzaz ere hogei bat argazki bada.

Etxahun alkartearen lanetzaz eta Xiberoa eüskal kültüra sailen – pastoralak eta maskaradak, prefosta, bena besterik ere – aipatze xeheak badirade, gainealat, www.xahakoa.org hortan.

Azkenik – eta honek inportantzia handia dü aurtenko pastoralaren hiru agerraldietan ikusliarrak 2.000ren altexean mügatüko beitira – sartzeak abantzeala erosteko sistema bat bada internet güne hontan. Xiberotik kanpo bizi direnek parada badükee, arren, sartzeak erreserbatzeko eta segür dirateke leküaren ükeiteaz.

2009an, SÜ AZIAko jonarazleak kanbiatü dira

Xehetasunak: Argitaratua: 18 Martxoa 2010

2009. urtean agitü diren kanbioen ondorioz, hona zoin giren orai SÜ AZIAko joanarazleak :
Alkartebürü : Margarita BORDACHAR ;
Idazkari : Jean-Claude SÉHÉBIAGUE ;
Diharüzain : Daniel MAINHAGUIET.

Joanarazle Taldeko (Administrazione Kontseilüko) kide :
Jean-Michel BEDAXAGAR,
Marcel BEDAXAGAR,
Margarita BORDACHAR,
Jojo ETCHEBARNE,
Panpeia ETCHEBARNE,
Philippe ETCHEGOYHEN,
Beñat GAMIOCHIPI,
Daniel MAINHAGUIET,
Jakes SARRAILLET,
Jean-Claude SÉHÉBIAGUE,
Allande SOCARROS.